Negociatorët ishin aty — disa përfaqësonin Serbinë, të tjerë Kosovën. Dy lehtësues ndihmuan në zhvillimin e bisedimeve dhe në fund, u arrit një marrëveshje simbolike.
Gjatë dy ditëve, të rinj e të reja shqiptarë dhe serbë nga Kosova, të ndarë në dy delegacione të përziera, debatuan, negociuan dhe ndërtuan bashkërisht një simulim të procesit të dialogut për normalizimin e marrëdhënieve ndërmjet Kosovës dhe Serbisë.
Ditën e parë, pjesëmarrësit u njohën me dokumente zyrtare dhe ndërtuan pozicionimet dhe strategjitë e tyre negociuese.
Ditën e dytë, ata u përfshinë në negociata dypalëshe dhe trepalëshe, të cilat kulmuan me hartimin e një kornizë të marrëveshjes zbatuese.
Kjo punëtori u dëshmua si një instrument i vlefshëm për:
• Nxitjen e bashkëpunimit dhe mirëkuptimit ndërmjet politikëbërësve potencial.
• Zhvillimin e aftësive të debatit dhe negociatave
• Rritjen e ndjeshmërisë ndaj perspektivave të ndryshme
• Trajtimin e sfidave reale dhe komplekse
• Kuptimin më të thellë të procesit të normalizimit
• Krijimin e zgjidhjeve konkrete në kontekstin e dialogut
Punëtoria u organizua nga Instituti për Politika Sociale “Musine Kokalari”
dhe New Social Initiative – Nova društvena inicijativa, në kuadër të projektit 𝐷𝑖𝑎𝑙𝑜𝑔𝑢𝑒, 𝑆𝑜𝑙𝑢𝑡𝑖𝑜𝑛𝑠, 𝐹𝑢𝑡𝑢𝑟𝑒, me mbështetjen e Ministrisë së Jashtme Federale Gjermane dhe National Endowment for Democracy (NED).
