Belgzim Kamberi ka përvojë pune në fushat e shkencave politike, gazetarisë, përkthimit dhe avokimit për të drejtat e njeriut. Gjatë viteve, ai ka kontribuar në media të ndryshme të huaja dhe rajonale, duke përfshirë Agence France Presse (AFP), Radio France Internationale, Le Monde, El Mundo, The Guardian, New York Times, etj. Kamberi ka punuar edhe si konsulent dhe pedagog, duke u dhënë njohuritë dhe përvojën e tij gazetarëve dhe studiuesve. Aktualisht është edhe redaktor i portalit frankofon, ‘Courriers des Balkans’ dhe drejtor i ‘Le Monde diplomatique – shqip’. Kryen detyrën e kryesuesit të Bordit të Institutit "Musine Kokalari". Belgzim Kamberi është koordinator i Akademisë vjetore për Politika Publike dhe Sociale të IPS Musine Kokalari, një nismë që ofron një platformë për të rinjtë në Kosovë që të bashkohen dhe të diskutojnë çështje të rëndësishme që kanë të bëjnë me politikat publike dhe drejtësinë sociale. Përmes kësaj akademie, Kamberi shpreson të krijojnë një hapësirë dialogu dhe bashkëpunimi, ku idetë dhe perspektivat mund të shkëmbehen lirisht dhe në mënyrë konstruktive. Belgzim Kamberi ka diplomuar në Gjuhë & Letërsi Frënge në Universitetin e Prishtinës dhe ka magjistruar në Sociologji Politike në Universitetin Paris VIII (Francë).

Adelina Hasani është hulumtuese dhe publiciste. Ka përfunduar doktoraturën në marrëdhënie ndërkombëtare në Universitetin e Ankarasë. Mori titullin Master për të drejtat e njeriut dhe demokracinë në Evropën Juglindore në Universitetin e Bolonjës dhe Sarajevës (ERMA). Ndërsa studimet Bachelor i përfundoi në Universitetin e Ankarasë në drejtimin marrëdhënie ndërkombëtare. Interesat e saj kërkimore përfshijnë studimet gjinore, ekonominë politike dhe çështjet e sigurisë. Adelina Hasani ka publikime akademike për çështjet gjinore, nacionalizmin dhe politikën e jashtme ruse. Hasani ka organizuar trajnime të shumta për çështjet gjinore, ndërtimin dhe mobilizimin e komunitetit. Ndërkohë, ka punuar edhe në organizata lokale që merren me zhvillimin social-ekonomik të shoqërisë dhe fuqizimin e grave në të gjitha proceset politike dhe shoqërore. Ajo është bashkëthemeluese e iniciativës - Femaktiv në Prizren dhe kryeredaktore e Prizma Medium. Ajo aktualisht është e angazhuar si hulumtuese në QKSS.

Dr. Artan Mustafa aktualisht punon si Profesor Asistent i Shkencës Politike në Universitetin
për Biznes dhe Teknologji (UBT). Mësimdhënia dhe hulumtimet e Artanit fokusohen në
fushën e politikës sociale dhe të bazës sociale të politikës. Hulumtimet e tij janë botuar në
Contemporary Southeastern Europe, Global Social Policy, International Journal of Social
Welfare, Journal of International and Comparative Social Policy, Party Politics, Revija za
Socijalnu Politiku, Social Policy and Administration, si dhe në disa vëllime të edituar librash.
Ai gjithashtu ka kontribuar reçensione librash për European Journal of Social Security dhe
Social Policy and Administration, dhe ka kontribuar reçenca të verbra për International
Journal of Sociology and Social Policy, Southeast European and Black Sea Studies, dhe
Konferencën Vjetore për Shkencë Politike dhe Marrëdhënie Ndërkombëtare (IC-PSIR) në
UBT. Artani shkruan si ekspert kombëtar për pensione dhe përfshirje sociale për Rrjetin
Europian për Analiza të Politikës Sociale – ESPAN (më parë, Rrjeti Europian i Politikës Sociale
– ESPN). Gjatë studimeve doktorale, ka punuar si asistent para-doktoral dhe ligjërues në
fushën e shtetit të mirëqenies dhe demokracisë në Europën Juglindore në Departamentin e
Shkencës Politike të Universitetit të Vjenës; paraprakisht ka studiuar në Universitetin e
Prishtinës (BA) dhe Universitetin Uppsala (MSc). Artani është pjesëmarrës i rregullt i
aktiviteteve të shoqërisë civile të Kosovës (të institucioneve akademike, mediave dhe
organizatave tjera të shoqërisë civile).

Jelena Savić me prejardhje rome nga Serbia, është aktualisht Këshilltare për Arsim Gjithëpërfshirës për UNICEF-in në Beograd. Ajo ka punuar me Fondacionin e Shoqërisë së Hapur dhe Fondin e Arsimit të Romëve në programet e tyre të bursave, si dhe ka bashkëpunuar me organizata të ndryshme rome dhe feministe në Serbi për njëzet vitet e fundit. Savić ka një diplomë Master në Filozofi nga Universiteti i Evropës Qendrore në Budapest (Hungari), ku teza e saj u fokusua në studimet e dehumanizimit në kryqëzimin e racizmit, seksizmit dhe speciesizmit. Ajo gjithashtu ka diplomë BA dhe MA në Andragogji nga Fakulteti Filozofik në Beograd (Serbi). Hulumtimi i saj i fundit është fokusuar në teorinë e bardhësisë dhe aplikimin e saj në kontekstin evropian për çështjet rome. Puna e saj mbi "Gadjo Privileges" do të botohet në vitin 2023 në Critical Romany Studies, Central European University Journal. Kapitulli i saj "The Darker side of Eastern European (post) coloniality: The case of Roma" duke analizuar dekolonialitetin e Evropës Lindore nga një perspektivë kritike rome, do të botohet gjithashtu në vitin 2023 nga Routledge in the book Decolonial Politics in European Peripheries: Redefining Progressiveness, Coloniality, and Transition Efforts.

Jelena është blogere dhe poston poezitë e saj në usernamekaspoetry.wordpress.com dhe materialet e saj vizuale dhe librat e saj komike në faqen e saj https://thejelenasavic.wordpress.com/material/. Poezia e saj është botuar gjithashtu në revista dhe antologji të ndryshme, duke përfshirë Cat Painters: Anthology of Contemporary Serbian Poetry, redaktuar nga Biljana D. Obradović dhe Dubravka Djurić, dhe botuar në vitin 2016.

Agon Maliqi është analist politik dhe publicist nga Kosova. Me seli në Tiranë (Shqipëri), ai është bashkëthemelues dhe ish-kryesues i Bordit të Sbunker, një think tank i respektuar dhe institut kërkimor, që fokusohet në çështjet e demokracisë dhe e sigurisë në rajon. Agon Maliqi punon aktualisht si analist dhe konsulent i pavarur për çështjet e sigurisë, konfliktit dhe demokratizimit në Ballkan dhe Kaukazin e Jugut. Ekspertiza e tij ka rezultuar me bursa të ndryshme prestigjioze, duke përfshirë Reagan-Fascell Democracy Fellowship në National Endowment for Democracy (NED) dhe Draper Hills Fellowship në Center on Democracy, Development, and the Rule of Law në Stanford University. Agon Maliqi përfundoi studimet universitare për Shkenca Politike dhe Studime Evropiane në Universitetin Amerikan në Bullgari në vitin 2006. Diplomën e Masterit në Politikat e Zhvillimit Ndërkombëtar nga Universiteti Duke në Shtetet e Bashkuara në vitin 2012. Gama e gjerë e përvojave dhe formimi i tij arsimor kanë kontribuar në njohuritë dhe ekspertizën e tij të gjerë në çështjet politike dhe të sigurisë në Ballkanin Perëndimor dhe Kaukazin e Jugut.