A je gazetar apo profesionist i medias në Ballkanin Perëndimor i/e përkushtuar në tregimin e storieve që kanë peshë?
Të ftojmë të aplikosh për një punëtori ekskluzive online, të krijuar për ta forcuar raportimin tënd mbi të drejtat e punës, punën e denjë dhe drejtësinë socio-ekonomike. Kjo është një mundësi unike për të fituar njohuri, mjete dhe lidhje që të ndihmojnë të prodhosh gazetari me ndikim dhe të avokosh për të drejtat e punëtorëve në rajon.
Punëtoria organizohet nga Instituti për Politika Sociale Musine Kokalari dhe Qendra për Politika dhe Emancipim, në kuadër të platformës Decent Work Balkans.
Pse kjo Punëtori?
Në ekonomitë post-tranzicion, punëtorët përballen me sfida serioze socio-ekonomike që shpesh mbeten të nënraportuara. Kemi vërejtur një boshllëk në mbulimin mediatik, ku narrativat nganjëherë dështojnë të kapin padrejtësitë strukturore. Kjo punëtori synon ta mbushë këtë boshllëk duke të fuqizuar me aftësi për të kontekstualizuar betejat e punëtorëve, për të theksuar të drejtat e tyre dhe për t’i paraqitur publikut një pamje më të plotë.
Duke marrë pjesë, ti kontribuon në rritjen e kuptimit publik për të drejtat e punëtorëve, nxit bashkëpunimin mes gazetarëve, shoqërisë civile dhe sindikatave, si dhe rrit numrin e storieve të fokusuara në punë në gjithë rajonin.
Çfarë do të Mësosh?
Punëtoritë tona dyditore online janë dizajnuar për të ndërtuar kapacitetin tënd në fushat kyçe të raportimit mbi punën. Programi do të udhëhiqet nga gazetarë investigativë dhe ekspertë të të drejtave të punës nga i gjithë Ballkani Perëndimor, duke ofruar perspektiva të ndryshme dhe përvoja praktike. Në këtë punëtori do të mësosh të:
- Kuptosh të Drejtat e Punës: Të njohësh konceptet kryesore dhe kornizat ligjore për punë të denjë në Ballkanin Perëndimor.
- Përdorësh të Dhënat me Efekt: Të shfrytëzosh të dhëna dhe burime nga iniciativa DWB për të forcuar raportimin tënd investigativ.
- Formësosh Narrativën: Të praktikosh teknika të raportimit etik për të treguar histori bindëse që theksojnë padrejtësitë strukturore, jo thjesht viktimizimin.
- Raportosh mbi Zinxhirët Globalë të Furnizimit: Të hetohesh shkeljet e të drejtave të njeriut brenda zinxhirëve globalë të furnizimit dhe të kuptosh rolin e ligjeve të kujdesit të duhur në adresimin e tyre.
Kush Mund të Aplikojë?
Kërkojmë studentë, gazetarë dhe profesionistë të medias që përmes shkrimeve dhe publikimeve të tyre synojnë avancimin e politikave publike dhe të drejtave të punës.
Gjuha: Punëtoritë do të mbahen në anglisht.
Kur: Punëtoritë do të mbahen në dy sesione:
- E martë, 2 dhjetor
- E enjte, 4 dhjetor
Si të Aplikosh?: Mjafton ta plotësosh formularin e aplikimit.
Afati për Aplikim: 27 nëntor
Presim aplikimin tënd dhe bashkëpunimin për të promovuar një shoqëri të drejtë dhe të barabartë në Ballkanin Perëndimor.